ယိူင်းဢၢၼ်း ႁႂ်ႈလိၵ်ႈလၢႆးႁဝ်း ၶိုၼ်ႈယႂ်ႇမႂ်ႇသုင် ၶိုၼ်းၸၼ်ႉၵမ်ႇၽႃႇသေလႄႈသင်၊ ႁႂ်ႈပဵၼ် တီႈၵမ်ႉထႅမ် တွၼ်ႈတႃႇ ၼုမ်ႇႁၢႆးယိင်းၸၢႆးႁဝ်းၶဝ် ၸိူဝ်းတိုၵ်ႉႁဵၼ်းလိၵ်ႈယူႇၸိူဝ်းၼၼ်ႉလႄႈသင်၊ ႁႂ်ႈပဵၼ် တီႈၵမ်ႉထႅမ် ၸိူဝ်းဢၼ် လဵပ်ႈႁဵၼ်းၽႃႇသႃႇၵႂၢမ်းလၢတ်ႈပိူၼ်ႈလႄႈႁဝ်း ၸိူဝ်းၼၼ်ႉလႄႈသင် ႁဝ်းၶႃႈ လႆႈယွၼ်းၶႂၢင်ႉ တမ်ႈတီႈ ၸဝ်ႈၶွင်၊ ၸဝ်ႈပၢႆၵမ် ပပ်ႉသပ်းၸိူဝ်းၼႆႉသေယဝ်ႉ ၶိုၼ်းမႃး ၵုမ်းထတ်း ႁႂ်ႈတိူဝ်းၶႅမ်ႉလႅပ်ႈထႅင်ႈသေ တၢင်ႇဝႆႉတီႈၶႃႈဢေႃႈ။
တႃႇႁႂ်ႈပေႃး ပဵၼ်မႃးလႆႈ သွပ်ႉဝႄး ဢၼ်ၵူၼ်းတင်းၼမ် ၸႂ်ႉတိုဝ်းလႆႈလီငၢမ်း ၼိုင်ႈႁူဝ်ၼၼ်ႉ ႁဝ်းၶႃႈ လႆႈၸႂ်ႉတိုဝ်း ၶၢဝ်းယၢမ်း၊ ႁႅင်းတၢင်းႁု၊ ႁႅင်းပၺ်ႇၺႃႇ၊ ႁႅင်းၶိူင်ႈၸႂ်ႉတိုဝ်း ဢိၵ်ႇပႃး ႁႅင်းငိုၼ်းတွင်းသေ ႁဵတ်းသၢင်ႈဝႆႉၶႃႈဢေႃႈ။
ၼမ်ဢေႇဢမ်ႇဝႃႈ သင်ၸိူဝ်ႉဝႃႈ ၽူႈမီးၼမ်ႉၸႂ်ၸေႇတၼႃႇႁဝ်းၶဝ် ဢွၼ်ၵၼ် ၸွႆႈထႅမ်ၼႃႈၵၢၼ်ႁဝ်းၶႃႈ ႁႂ်ႈၶိုၼ်ႈယႂ်ႇၶိုပ်ႈၼႃႈလႆႈထႅင်ႈၸိုင် ႁဝ်းၶႃႈ တေဢဝ်ပပ်ႉသပ်းၸိူဝ်းၼႆႉ ႁဵတ်းႁႂ်ႈၸႂ်ႉတိုဝ်းလႆႈတီႈၼႂ်း ၾူၼ်းမိုဝ်းတိုဝ်း မိူၼ်ၼင်ႇ Android လႄႈ iPhone ၸိူဝ်းၼႆႉယူႇဢေႃႈ။